Enn vandræði á fasteignamarkaði í Kína Samúel Karl Ólason skrifar 25. september 2023 10:46 Fasteignamarkaður Kína hefur beðið hnekki á undanförnum árum en hann er gífurlega mikilvægur hagkerfi landsins. AP/Andy Wong Vandræðum kínverska fjárfestingafélagsins Evergrande Group er ekki lokið enn. Forsvarsmönnum félagsins, sem er skuldsettasta fasteignafélag heimsins, gengur illa að endurskipuleggja lán þess og hefur það leitt til áhyggja meðal fjárfesta í Asíu. Fjárfestar þessir hafa selt hlutabréf sín í Evergrande og öðrum sambærilegum félögum í morgun. Þetta hefur leitt til verðhruns meðal fasteignafélaga í Kína en virði Evergrande lækkaði þegar mest var um fjórðung í morgun, samkvæmt frétt CNBC. Evergrande lenti í vanskilum árið 2021 og leiddi það til áhyggja af hagkerfi Kína. Evergranda varð nokkurs konar táknmynd fyrir vandræði á fasteignamarkaði Kína. Síðan þá hafa forsvarsmenn félagsins unnið að endurskipulagningu skulda en þær eru um 4.300 milljarðar króna. Sjá einnig: Evergrande tekist að greiða gjaldfallna vaxtagreiðslu Frá 28. ágúst hefur virði félagsins lækkað um 87 prósent. Fasteignamarkaður Kína er ríkinu gífurlega mikilvægur og er hann gríðarlega stór. Um það bil fjórðungur af landsframleiðslu Kína kemur frá fasteignamarkaðnum, samkvæmt frétt Reuters. Frá 2021 hafa mörg fjárfestingafélög eins og Evergrande orðið gjaldþrota. Forsvarsmenn margra þeirra hafa reynt að endurskipuleggja lán sín en hefur gengið illa. Fleiri félög í vandræðum Ástandið á fasteignamarkaðnum gæti versnað til muna. Country Garden, stærsta einkarekna fasteignafélag landsins, á í miklum fjárhagsörðugleikum. Í frétt Wall Street Journal segir að forsvarsmenn félagsins hafi einbeitt sér að borgum í sveitahéruðum Kína og iðnaðarsvæðum sem hafi spilað stóra rullu í hagvexti í Kína undanfarin ár. Nú hafi fjárfestingar dregist saman og fólk flytur burt af þessum svæðum. Félagið tapaði sjö milljörðum dala (Tæplega þúsund milljarðar króna) á fyrri hluta þessa árs og er það að miklu leyti vegna fasteigna sem lækkuðu í virði. Sala fasteigna í ágúst var sjötíu prósentum minni en í ágúst í fyrra. Í síðasta mánuði komst félagið naumlega hjá því að lenda í vanskilum á vaxtagreiðslum. Sérfræðingar segja gjaldþrot nánast óhjákvæmilegt án þess að salan taki við sér. Yfirvöld í Kína hafa breytt reglum með því markmiði að auka sölu og á það sérstaklega við fólk sem er að kaupa sína fyrstu íbúð. Sérfræðingur sagði í samtali við WSJ að það myndi líklega skila árangri í stærstu borgum Kína en í smærri borgum, þar sem Country Garden er umsvifamest, væri besta sviðsmyndin sú að sala drægist ekki meira saman. Kína Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent „Ég nenni ekki að standa í einhverju veseni“ Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent Fjölda fólks sagt upp hjá Icelandair Viðskipti innlent Fleiri fréttir Vilja rannsaka meint samráð með OPEC Nýjum alþjóðaflugvelli á Grænlandi seinkar enn Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sjá meira
Fjárfestar þessir hafa selt hlutabréf sín í Evergrande og öðrum sambærilegum félögum í morgun. Þetta hefur leitt til verðhruns meðal fasteignafélaga í Kína en virði Evergrande lækkaði þegar mest var um fjórðung í morgun, samkvæmt frétt CNBC. Evergrande lenti í vanskilum árið 2021 og leiddi það til áhyggja af hagkerfi Kína. Evergranda varð nokkurs konar táknmynd fyrir vandræði á fasteignamarkaði Kína. Síðan þá hafa forsvarsmenn félagsins unnið að endurskipulagningu skulda en þær eru um 4.300 milljarðar króna. Sjá einnig: Evergrande tekist að greiða gjaldfallna vaxtagreiðslu Frá 28. ágúst hefur virði félagsins lækkað um 87 prósent. Fasteignamarkaður Kína er ríkinu gífurlega mikilvægur og er hann gríðarlega stór. Um það bil fjórðungur af landsframleiðslu Kína kemur frá fasteignamarkaðnum, samkvæmt frétt Reuters. Frá 2021 hafa mörg fjárfestingafélög eins og Evergrande orðið gjaldþrota. Forsvarsmenn margra þeirra hafa reynt að endurskipuleggja lán sín en hefur gengið illa. Fleiri félög í vandræðum Ástandið á fasteignamarkaðnum gæti versnað til muna. Country Garden, stærsta einkarekna fasteignafélag landsins, á í miklum fjárhagsörðugleikum. Í frétt Wall Street Journal segir að forsvarsmenn félagsins hafi einbeitt sér að borgum í sveitahéruðum Kína og iðnaðarsvæðum sem hafi spilað stóra rullu í hagvexti í Kína undanfarin ár. Nú hafi fjárfestingar dregist saman og fólk flytur burt af þessum svæðum. Félagið tapaði sjö milljörðum dala (Tæplega þúsund milljarðar króna) á fyrri hluta þessa árs og er það að miklu leyti vegna fasteigna sem lækkuðu í virði. Sala fasteigna í ágúst var sjötíu prósentum minni en í ágúst í fyrra. Í síðasta mánuði komst félagið naumlega hjá því að lenda í vanskilum á vaxtagreiðslum. Sérfræðingar segja gjaldþrot nánast óhjákvæmilegt án þess að salan taki við sér. Yfirvöld í Kína hafa breytt reglum með því markmiði að auka sölu og á það sérstaklega við fólk sem er að kaupa sína fyrstu íbúð. Sérfræðingur sagði í samtali við WSJ að það myndi líklega skila árangri í stærstu borgum Kína en í smærri borgum, þar sem Country Garden er umsvifamest, væri besta sviðsmyndin sú að sala drægist ekki meira saman.
Kína Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Íslandsbanki greiðir 570 milljóna króna sekt Viðskipti innlent „Katrín Olga, þetta er eingöngu hálftími af þínu lífi“ Atvinnulíf „Hann eyðileggur alltaf alla stemningu um leið og hann kemur“ Atvinnulíf Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf Vilja rannsaka meint samráð með OPEC Viðskipti erlent Nýjum alþjóðaflugvelli á Grænlandi seinkar enn Viðskipti erlent „Ég nenni ekki að standa í einhverju veseni“ Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent Fjölda fólks sagt upp hjá Icelandair Viðskipti innlent Fleiri fréttir Vilja rannsaka meint samráð með OPEC Nýjum alþjóðaflugvelli á Grænlandi seinkar enn Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sjá meira